Cursu avanzáu de llingua asturiana pa periodistes

La Oficina de Política Llingüística del Principáu d'Asturies y el Seminariu de Filoloxía Asturiana convoquen en collaboración cola Universidá d'Uviéu un cursu avanzáu d'Asturianu pa periodistes. La matrícula, que ta abierta dende'l 31 de xineru y hasta'l día 8 de febreru, ye de baldre.

El profesor de la Universidá d'Uviéu Xulio Viejo Fernández y el tamién profesor universitariu y director de Política Llingüística del Principáu d'Asturies Ramón d'Andrés Díaz son los directores d'esti cursu que va ponese ente'l 8 de febreru y el 10 de marzu con clases los miércoles, xueves y vienres de 18,00 a 20,00 hores hasta facer 30 hores llectives. Les clases van ser nel Edificiu Departamental de la Facultá de Filoloxía y les inscripciones puen formalizase nel del profesor Xulio Viejo o na Oficina de Política Llingüística del Principáu, siendo los requisitos d'inscripción el ser tituláu en Periodismu o acreditar tar trabayando nel campu de la información o comunicación. Les asignatures van ser Práctiques de fala con Fernando Álvarez-Balbuena García
Práctiques de redacción, por Pablo Texón Castañón y Práctiques de traducción por Xosé Nel Comba Paz.