Berto García presenta "ensin otra sida"

El poeta Berto García (Les Vegues - Corvera 1975) presenta güei vienres a les siete de la tarde nel Club Prensa Asturiana de la Cai Calvo Sotelo, 7 el llibru de poemes “Ensin otra sida” qu’espubliza la editorial Trabe. El poeta Carlos Suari Rodrigue y el director de la editorial Trabe, Antón García, participen tamién na presentación de la primer obra impreso d’esti poeta mozu que s’espresa en composiciones curties que nun pasen de los 15 versos y que descubrió la so sensibilidá creativa a partir de los sos viaxes a Castiella como maestru interín.