L’Academia de la Llingua asoleya “Cuentos de Tradición Oral del Cuartu los Val.les”

"Cuentos de Tradición Oral del Cuartu los Val.les" volume que recueye cuentos del conceyu de Tinéu ye'l primer volume de la colección "Testos de recoyida oral" qu'entama l'Academia de la llingua Asturiana. Los cuentos que se recueyen en llibru vienen axuntaos en distintos temes y cada cuentu complétase con una ficha en que se comenten los datos del informante qu'apurrió la hestoria que se conseña, amestándose xunto ello una clasificación bibliográfica.

La colección quier espeyar la bayura de la lliteratura de tresmisión oral n'Asturies, y yá na introducción coméntase como anque'l so caltenimientu tuvo de ver cola estructura xeográfica y organización social del país, col so aislamientu y falta de comunicaciones afayadices a lo llargo de munchu tiempu, convién facer cuantes un trabayu intensivu de recoyida de testos "cuanto primero meyor" en cuantes que "Nun podemos escaecer que los pueblos tán quedando vacios y que los meyores informantes van dexándonos mientres que los camudamientos inevitables de la sociedá y de la manera vivir nun dan seguranza dala de que la tresmisión siga siendo granible".