Na presentación del so discu, que tuvo llugar apocayá na sede de la SGAE, el tríu de música asturiana Tuenda comentó que-yos facía muncha ilusión tocar nes llugares onde recoyeron los cantares pal cd. El grupu amosaba asina'l so interés por llevar la so música hasta la fonte mesma de la que bebieron pa crear Tuenda. Esti enclín del grupu va cumplise en parte col conciertu que van dar en Xedré, localidá de Cangas del Narcea.
Y ye que Cangas ta presente nesti trabayu discográficu al traviés d'un cantar, el Ramu de Vidal, que s'amiesta al restu de los 16 cortes del discu, homenaxe a la bayura musical y llingüística del país. El conciertu va ser el próximu 4 de xineru a les seyes de la tarde na Ilesia parroquial de Xedré. Pa tener un adelantu de la so música, y animase definitivamente a dir al conciertu, Asturies.com ufiertamos la posibilidá -cola collaboración de Tuenda-de sentir un cantar d'esti grupu que se puede descargar namás que calcando equí.