DRD sal de xira col INJUVE

El tríu de música folk asturiana DRD tien preparada una bona riestra de conciertos pa lo que queda nel mes de payares gracies a una xira programada pol Institutu de la Mocedá d'España (INJUVE). El miércoles 23, el grupu qu'igüen diego Pangua, Dolfo García y Rubén Bada va tocar na Sala Carabel de Palencia, y al día dempués van facelo n'A Coruña nel local "A Cova Folk". Olivenza, n'Extremadura, ye la siguiente parada d'esta xira que va pasar el día 26 pela Sala Ítaca de Murcia pa rematar en casa con un conciertu que va tener llugar el miércoles día 30 de payares nel Centru Cultural Caxastur de la Cai San Francisco 4 d'Uviéu nuna actuación que s'enxerta dientro del ciclu "música del sieglu XX qu'organiza la entidá financiera.

DRD presentó va poco'l so primer discu "namái" nel 7th Open House Traditional
Arts Festival 2005 que se celebra nel conceyu norirlandés de Belfast. La estancia nes islles aprovechóla tamién el grupu pa facer una actuación en directo nún programa de la BBC Ridió Uladh (BBC Radio Ulster)


El tríu DRD asoleyó'l so primer CD "namai" el pasáu mes de marzu. Esti grupu surdió tres de xuntase pa tocar estos trés músicos pa un ciclu que se llamó Folk de Cámara, que se desenvolvió por iniciativa de Xuventúes Musicales. Col tiempu la formación y el trabayu en conxuntu aposentaron la formación, agora una de les más interesantes del panorama nel folk asturianu.