Andecha Astur recurre énte la Xunta Electoral por nun da-y de pasu les papeletes n'asturianu

El partíu nacionalista Andecha Astur, qu'informó a la Xunta Electoral Provincial d'Asturies de la so intención de facer les papeletes pa la votación del 14 de marzu n'asturianu, ta acabante de recibir rempuesta en negativo sobre esti asuntu del organismu electoral. La decisión de la Xunta Electoral, qu'Andecha Astur va recurrir, tiense en que l'asturianu nun tien reconocíu calter de llingua oficial.

La reclamación qu'anuncia agora que va facer la fuerza nacionalista énte'l Tribunal Superior de Xusticia d'Asturies va mandase pol precedente de la sentencia del Tribunal Constitucional del 24 de febreru de 2000, que reconocía'l derechu de poder presentar les candidatures redactaes n'asturianu