La crisis del faisán montés

El faisán montés, una de les especies animales más característiques d'Asturies, sigue perdiendo población nuna cayida que pue llevar al desanicie definitivu d'esti páxaru que perdió la metada de los sos exempleres de va venti años p'acá, quedando anguaño una población que los biólogos cuenten que ta ente 300 y 150 machos, anque allegándose más a la segunda estimación qu'a la primera. El cambéu climáticu y la falta d'arándanos, alimentu básicu del faisán montes, tan arrequexando a laos animales a espacios cada vegada más pequeños y separtando les comunidaes, llegando a casos como'l del Parque de Los Picos d'Europa, onde l'añu pasáu yá nun quedaba namás qu'un exemplar na parte asturiana del espaciu y 24 nel total del parque, los más d'ellos pa la parte de Llión, porque en Cantabria dase yá por escosada la especie Contra esta situación tan iguándose remedios d'emerxencia como'l llabor que tan faciendo en Parque Natural de Somiedu, con un plan de trabayu pa repoblar d'arándanos, amás d'investigar qu'efectu tien sobre la especie la presencia del xabalí y tamién de ganaderíes y otres actividaes humanes. Otramiente, el Principáu punxo de recién a información pública un plan especial d'actuación pa la conservación del hábitat del faisán montés. El testu del mesmu yá ta nel Serviciu de Conservación del Mediu Natural de la Conseyería de Mediu Ambiente, onde puen ponese alegaciones hasta'l prósimu 10 de febreru