Vallina fala claro

Esta selmana, el periódicu Les Noticies inclúi nes sos páxines esta entrevista qu'agora reproducimos pa la rede, col conseyeru de cultura Javier Fernández Vallina. Tres la ruptura de rellaciones ente l'Academia de la Llingua y la so conseyería, Vallina ta convirtiéndose nel oxetivu de toles crítiques del asturianismu. La redacción del currículum de secundaria y les sos recientes declaraciones reconociendo que prefería nun espresar el so puntu de vista personal sobre la entidá de la llingua asturiana faen de Vallina'l Conseyeru d'Educación más criticáu de tolos qu'hubo hasta agora, y cada vegada son más les asociaciones y partíos políticos que piden la so dimisión. Na entrevista, fecha por Beatriz Viado, Vallina afirma que nun ve discriminación nenguna pa col asturianu y amás diz que lo que más-y duel ye l'usu esclusivu del bable "porque ye una falta de respetu absolutu a la otra llingua nuestra común"