Fala Non Caduca torna a los escenarios tres trés años de parón

Va ser na nueche del sábadu en San Mateo.

N'abril del 2013 la banda de ska-fusión decidió dexar la so actividá tres seis años d'ensayos y conciertos y trés discos al llombu. Trés años depués de la so actuación última, Fala Non Caduca decide tornar aprovechando la presencia n'Asturies de los miembros de la banda que tuvieren qu'emigrar, a los que se suma pa esti eventu'l gaiteru Andresín R. Monteavaro.

La cita va ser a les 1.50 hores na uviedina plaza Feijoo tres los conciertos del 'XVIII Concurso de Rock Ciudad de Oviedo'. Enantes, a les 00.40 hores, va xubise al escenariu la bandina folk eo-naviega Caldo y Os Rabizos nuna nueche que va xuntar la música identitaria y les dos llingües autóctones del país. Pese a que'l retornu ye pa esta actuación n'esclusiva, nun se descarta que Fala Non Caduca retome l'actividá dafechu.