Asturies concede ayudes a 57 proyeutos asturianos de cooperación

En total reparte 2,7 millones d'euros.

Nuna primer llinia d'ayudes, la Conseyería de Presidencia y Participación Ciudadana aprobó 32 proyeutos de cooperación al desarrollu que suponen un total de 2.482.811,52 euros. Toes son pa ONG con sede n'Asturies con proyeutos nel estranxeru en sintonía colos criterios de priorida establecíos nel Plan Direutor de Cooperación 2013-2016. Según los datos aportaos pol Gobiernu, un 27,74% de los fondos axudicaos destínense a financiar aiciones que promuevan la meyora de les condiciones de vida de les muyeres, mientres qu'un 16,98 por cientu van a proyeutos destinaos a la meyora de la salú y un 16,68 por cientu, a garantizar el derechu a l'alimentación.

Centroamérica y Caribe acueyen casi la metá de los proyeutos, siendo Guatemala'l país que recibe más perres. L'África subsaḥariana gana presencia nesta convocatoria d'ayudes, sobre manera la República Democrática del Congo, que cuenta con cuatro proyeutos subvencionaos.

Tamién van destinase perres a 25 proyeutos d'educación pal desarrollu y sensibilización por un importe total de cerca de 250.000 euros.