La barca ensin pescador

Odisea Teatro.
L'acción dramática arrinca nel despachu d'un empresariu nuna gran ciudá del sur d'Europa, treslladándose depués a un puertu de mar nun país nórdicu. El protagonista, Ricardo Jordán, ye un home cobiciosu y ensin escupulicios que, a midida que avanza la hestoria, va camudando drásticamente de personalidá. Tou empieza cuando Ricardo decide faer un pactu col demoniu (el “Caballero de Negru”), pol que llogra riqueces, ésitu y vengación en cuenta de faer morrer, namá por aciu un actu de voluntá, a un desconocíu en dalgún llugar alloñáu. El berru desesperáu d'una muyer que Ricardo escucha namás roblar el diabólicu pactu, nun-y dexará esfrutar de la so fortuna. Entós, Ricardo llánzase escontra lo desconocío en busca de la familia de la so víctima, Peter Anderson. Al topala, va atopar tamién l'amor, y col amor, la salvación.
Hora: 20:00h