El Lugo-Sporting y l'Uviéu-Somozas, n'asturianu per RPA

Con motivu de la Selmana de les Lletres, RPA va emitir los partíos del Sporting y l'Uviéu en llingua asturiana. Repítese asina la esperiencia tres el Compostela-Uviéu d'abril del añu pasáu.

Toño Aguiar va encargase de comentar el sábadu na llingua del país el choque vital de los roxiblancos na capital vecina (Anxo Carro, 18 hores) na so llucha col Girona pol segundu puestu d'ascensu direutu, mentes que Miguel Fernandi 'Burilo' va comentar otra vuelta un partíu de los azules n'asturianu, que reciben el domingu (Carlos Tartiere Nuevu, 17 hores) al Somozas col primer puestu aseguráu tres l'empate del Uviéu en San Lázaro col Compostela la xornada pasada (1-1). Dambes emisiones van principiar media hora enantes del enfrentamientu.

Nesti enllaz pue sentise la promo n'asturianu de los dos partíos en RPA.