Día del Llibru Asturianu

Roberto Colunga ye reelexíu secretariu xeneral del Bloque por Asturies

|

El Conseyu Nacional de Bloque por Asturies, celebráu esti fin de selmana en Xixón, reelixó a Roberto Colunga como secretariu xeneral. Col lema "Xuntes, xuntos ¡somos!" los militantes de BA aprobaron una serie de ponencies polítiques sobre mocedá y inmigración, sociedá laica, medios de comunicación, crisis, política cultural, música tradicional, deportes y política municipal. Asimesmo ratificó les aliances afitaes anguaño con IU y los Verdes.

Según el portavoz de la formación, Pablo Fernández, les propuestes debatíes y aprobaes por unanimidá tan asitiaes en cuatro exes: izquierda, asturianista, ecoloxista y feminista al traviés de los cuales quieren "treslladar a la sociedá asturiana un proyectu de futuru pa la rexón". La dirección nacional escoyida ta formada por siete secretaríes integraes por ocho persones. Al frente ta'l secretariu xeneral Roberto Colunga, a la que se xune la secretaría d'organización, prensa y comunicación, Lourdes Gru; el portavoz Pablo Fernández; la secretaría de la muyer, Nuria Rodríguez; Movimientos Sociales y Formación, Nacho González; Política Municipal, Manolo Denaya y secretaría de la mocedá integrada por Héctor Torres y María González.

Comentarios

Qué diferencies tien el BIA con UNA? Son tan irreconciliables?
Escucharon a Hevia? Y a tola xente que naguamos por un únicu partíu astur?

Supongo que cuando fales del BIA quies dicir BA (Bloque por Asturies, l'otro yera el Bloque de la Izquierda Asturiana y yá nun existe).
 
Yo diferencies de fondu nun veo ente les dos formaciones, namás qu'estratéxiques, por cuenta que'l Bloque ta coaligáu con IU y formen parte del gobiernu d'Areces.
Creo que'l futuru del nacionalismu asturianu pasa o pel Bloque o pela UNA o pola xuntura de los dos (si'l Bloque dexa a IU, claro). Y como votante nacionalista a mi dame igual qu'haya ún o doscientos partíos nacionalistes. Yo polo que naguo ye por qu'haya un referente seriu y votable. Pues eso: UNA o/y Bloque (sin IU).
 
 

Cago'n ros!!!! Pero si toos pensamos igual!!!
A mi dame igual tamién que seya BA o UNA la sigla que quede, o qu'inventen otra, pero que s'axunten d'una "fruta" vez.
Y toi d'alcuerdu con Belenos, tienen tanto la culpa unos como otros y la fsa por nun dexar d'un llau eses "diferencies" que tenga y axuntase nun mesmu camín d'oficialidá.

Pa mi BA ye tan culpable como la FSA de la marxinación que sofrimos munchos asturianos y participa activamente nes politiques neofacistes y d´apartheid llingüisticu del Principau.

Contador Estadistiques