Somos Asturies asegura apoyu en 24 conceyos

Nos 24 de los 30 conceyos nos que Somos Asturies tien presencia esta iniciativa algamó l'apoyu de los círculos. Acude a les primaries abiertes d'avientu nos seis restantes.

Asina, Somos Asturies presenta candidatos la secretaría xeneral llocal en Xixón, Uviéu, Avilés –namái al Conseyu Ciudadanu–, Llangréu, Llaviana y Ḷḷena. Mentes, n'otros 24 conceyos hai una candidatura única o dos qu'apoyen dambes a un proyeutu que yá ye mayoritariu dientro de Podemos n'Asturies: Siero, Mieres, Samartín del Rei Aurelio, Corvera, Villaviciosa, Llanes, Llanera, Valdés, Carreño, Tinéu, Navia, Piloña, Parres, Salas, Nava, Sotu’l Barcu, Morcín, Cabrales, Riosa, La Ribera, Bimenes, Ribedeva, Sariegu y Peñamellera Alta.