Llibros nuevos pa nuevos llectores

La Editorial Ámbitu acaba facer pública, con motivu de los actos de la XXX Selmana de les Lletres Asturianes, la espublización d'una colección de llibros empobinaos a los neños del primer ciclu de la Educación Infantil (0-3 años).
La presentación tuvo llugar esti martes, a les 19.00 hores, na FNAC de Parque Principáu, y nella participaron Sabel Tuñón, Lourdes Álvarez y Enrique Carballeira; coautores ya ilustrador respectivamente de la serie formada por títulos como "Animalaes", "Los animales", "Animalinos" y "La Primavera".
La Editorial Ámbitu sorraya'l "componente lúdicu y educativu imprescindible pa un públicu tan esixente como'l de la primer edá, ayenu inda a les dinámiques de la escuela". Asina recalquen que los llibros "suponen, d'una manera bien prestosa, un primer averamientu cuándo a la llingua asturiana, potenciando la tresmisión oral ente proxenitores y fíos, cuándo a los vezos de llectura".