La Xunta Xeneral pide la declaración del presidente de l'Autoridá Portuaria de Xixón colos votos del PP y IU

|

La Mesa de la Cámara almitió a trámite la declaración en comisión de Mediu Ambiente, Ordenación del Territoriu y Infraestructures del presidente de l'Autoridá Portuaria de Xixón, Fernando Menéndez Rexach, pa qu'esplique tolo rellacionao cola posición de la Unión Europa sobre la financiación del aumentu de coste de les obres del puertu d'El Musel.

   L'almisión a trámite aprobóse colos votos a favor de los grupos parlamentarios del PP y IU, y a la escontra del PSOE.

   Tamién s'almitió a trámite, nesi casu col apoyu del PSOE, la declaración del conseyeru de Mediu Ambiente, Infraestructures y Ordenación del Territoriu, Francisco González Buendía; la viceconseyera de Mediu Ambiente, Belén Fernández; y el director xeneral de Tresportes y Asuntos Marítimos, Julián Bonet.

Contador Estadistiques