La cultura sidrera y la misa de gaita asturiana yá son Bienes d'Interés Cultural

El Conseyu de Gobiernu aconceyáu ayeri aprobó la calificación de la cultura sidrera y de la misa de gaita como Bienes d'Interes Cultural (BIC). Nel casu concretu de la bébora tradicional del país, esta decisión ye un pasu necesariu nel oxetivu d'algamar la categoría de Patrimoniu Inmaterial de la Humanidá que persigue'l Gobiernu y el sector sidreru. Tamién foi declaráu BIC el castru de Mouguías, en Cuaña.