Tejedor, Corquiéu y N'Arba, cartelu de lluxu pal Llaciniegu

Mañana va celebrase la Romería de Llacín en Porrúa, xornada festiva que va zarrase a les 23 hores cola Nueche Folk. Nesta ocasión, la folixa qu'entama l'Asociación Cultural Llacín y el Muséu Etnográficu del Oriente va contar con un cartelu de lluxu formáu por Tejedor, Corquiéu y N'Arba. Enantes, a les 19 hores, va tocar La Bandina Llacín, pa darréu siguir cola actuación folk de los alumnos de la Escuela Llacín (20 hores) y de la Banda Gaites Llacín (21 hores). Otra manera, l'actividá del Llaciniegu va dar entamu al meudía con actividaes pa neños y neñes.