El luxemburgués Juncker, presidente de la Comisión Europea

El Plenu de la Eurocámara escoyó esta mañana al sustitutu del portugués José Manuel Durao Barroso como presidente de la Comisión Europea: ye'l conservador Jean-Claude Juncker tres recibir 422 votos a favor, 250 en contra y 47 astenciones. El luxemburgués tuvo l'apoyu de PP européu, los lliberales y parte de los socialistes –el PSOE finalmente votó en contra–.

 

De los 54 eurodiputaos del Estáu español, sofitaron a Juncker 22: los del PP (16) y Ciudadanos (2), amás de 2 de los 4 d'UPyD y 2 de los 3 de Coalición Europa (UDC y PNV). Mentes, votaron en contra los del PSOE (14), La Izquierda Plural (6), Podemos (5), La Esquerra pel Dret a Decidir (2), Los Pueblos Deciden y Primavera Europa, pa sumar un total de 29. Pela so parte, astuviéronse dos d'UPyD y otru de Coalición Europa (CDC).