Alcuentru col Seminariu de Filoloxía Asturiana

Los profesores Xulio Viejo y Ramón d'Andrés fadrán una presentación del Seminariu de Filoloxía Asturiana con información y anunciu de variaes iniciatives y actividaes como grupu d'investigación de la Universidá d'Uviéu: 'Revista de Filoloxía Asturiana' (RFA), publicaciones, organización de congresos filolóxicos, participación en congresos d'otres Universidaes, cursos, proyectos d'investigación y los sos resultaos, etcétera.

 

Tamién va participar nel alcuentru Esther Prieto, responsable d’Ediciones Trabe, editorial encargada de publicar la 'Revista de Filoloxía Asturiana' y que pa la ocasión va traer una muestra de publicaciones venceyaes col estudiu y investigación de la llingua asturiana, que van tar a la venta esi día.

 

A les 19 hores nel aula polivalente del Centru Sociocultural de Les Vegues.

 

Actividá d'asistencia llibre y de baldre.

 

Entama la Casa de la Llingua y el Conceyu de Corvera dientro de les actividaes de la Folixa del Llibru.