Asturies.com sortia cinco exemplares de ‘Dibuxando un camín’ pa celebrar el Día de les Lletres Asturianes

Por cortesía de l’Asociación de Llibreríes del Principáu d’Asturies, Asturies.com va sortiar cinco exemplares de ‘Dibuxando un camín’ ente los nuesos llectores. P’algamar ún han de responder una entruga sobre la Selmana de les Lletres.

 

‘¿Por qué esti añu la Selmana de les Lletres Asturianes ta dedicada al cómic?’. Les persones que quieran consiguir el llibru con cuatro histories gráfiques inédites firmaes por Ruma Barbero, Isaac Rivero, Javier Antonio Marinas y Alfonso Zapico han d’unviar un mensaxe al nuesu Facebook o al corréu electrónicu redaccion@asturies.com cola respuesta correuta, un teléfonu de contautu y l’idioma nel que quieran la obra. En total, disponemos de trés llibros n’asturianu y dos en gallego-asturiano. El llunes espublizaremos el nome de los ganadores, siendo’l plazu tope de recepción de respuestes el domingu a les 23.59 hores.