44 de los 51 conceyos colos decretos aprobaos siguen utilizando los topónimos non oficiales na so web

Éstos son Cangas del Narcea, El Franco, Ḷḷena, La Ribera, Llangréu, Llaviana y Samartín del Rei Aurelio. Los 44 restantes siguen utilizando los nomes de llugar castellanos, non oficiales, una situación que pal coleutivu cívicu ye “esmolecedora”. “Amás de felicitar a los conceyos que con naturalidá faen lo que tienen que facer, quier dicise, cumplir la llegalidá al usar los topónimos oficiales nes sos web institucionales,  tenemos que denunciar a los que, seya pola dexadez, pola inorancia o pola incompetencia de los sos responsables, nun la cumplen de la mesma forma”, señalen dende la XDLA, que nun escaez “la connivencia nesta illegalidá de los sucesivos gobiernos asturianos que, sabedores d’esta situación, nun fixeron nada en tou esti tiempu pa pone-y final”.

 

Nos díes próximos la XDLA va dirixise a caún de los alcaldes de los conceyos incumplidores de la llei “pa pidi-yos que corrixan les sos páxines web pa que se pueda ver la toponimia llegal y qu’amás entaínen cola adaptación de tolos lletreros, mapes, planos y documentación municipal a la toponimia aprobada nos decretos d’oficialización”. “Ye un xestu que nun cuesta dineru, namás la voluntá de llevalu alantre. Pa detrás, munchos conceyos tienen servicios de normalización que yá tienen esi trabayu fechu”, añade, pa depués afirmar que “esi desdexamientu demuestra’l pocu compromisu de los gobiernos municipales col caltenimientu d’esta parte del patrimoniu llingüísticu y cultural”. La organización, que yá trabaya na convocatoria de la manifestación de reivindicación de la oficialidá nel Día de les Lletres Asturianes (9 mayu), esixe a l’alministración qu’exerza la so función de tutela, vixilancia y control.

 

D’igual forma, tamién pide a la Conseyería d’Educación, Cultura y Deporte qu’impulse’l trabayu de la Xunta Asesora de Toponimia y que s’entaine’l procesu d’aprobación de los 27 decretos que queden por completar nel territoriu asturianu, un procesu que foi a bon ritmu nos seis primeros años pero qu’agora ta atascáu. Nel añu 2013 nun hubo nengún avance y no que va d’añu namái s’oficializó la toponimia tradicional de Bual.

 

 

Conceyu	Decretu de toponimia	Señes de la páxina web	Usu de la toponimia na web
A Veiga	61/2007, de 24 de mayu	www.vegadeo.es	non
Ayer	30/2008, de 8 d'abril	www.aller.es	non
Amieva	5/2007, de 31 de xineru	www.amieva.es	non
Avilés	145/2010, 24 de payares	www.ayto-aviles.es	non
Balmonte de Miranda	112/2008, de 28 d'ochobre	www.belmontedemiranda.com	non
Bimenes	117/2005, de 17 de payares	www.bimenes.es	non
Bual	27/2014, de 12 de febreru	www.boal.es	non
Cabranes	118/2005, de 17 de payares	www.cabranes.es	non
Cangas del Narcea	89/2008, de 3 de setiembre	www.ayto-cnarcea.es	sí
Cangues d'Onís	8/2009, de 4 de febreru	www.cangasdeonis.com	non
Carreño	30/2005, de 21 d'abril	www.ayto-carreno.es	non
Castrillón	57/2008, de 26 de xunu	www.ayto-castrillon.es	non
Casu	52/2007, de 17 de mayu	www.ayto-caso.es	non
Colunga	129/2006, de 21 d'avientu	www.colunga.es	non
Corvera	6/2007, de 31 de xineru	www.corvera.es	non
Degaña	32/2009, de 22 d'abril	www.degania.org	non
El Franco	31/2005, de 21 d'abril	www.elfranco.es	sí
Gozón	72/2005, de 7 de xunetu	www.ayto-gozon.com	non
Grandas de Salime	37/2007, de 12 d'abril	www.grandasdesalime.es	non
Grau	7/2007, de 31 de xineru	www.ayto-grado.es	non
Illas	181/2012, de 8 d'agostu	www.ayto-illas.es	non
L.lena	74/2005, de 7 de xunetu	www.aytolena.es	sí
La Ribera	128/2006, de 21 d'avientu	www.ayto-riberadearriba.es	sí
Llanes	32/2005, de 21 d'abril	www.ayuntamientodellanes.com	non
Llangréu	73/2005, de 7 de xunetu	www.langreo.as	sí
Llaviana	281/2007, de 19 d'avientu	www.aytolaviana.es	sí
Mieres	9/2009, de 4 de febreru	www.ayto-mieres.es	non
Morcín	36/2007, de 12 d'abril	www.morcin.es	non
Nava	98/2006, de 3 d'agostu	www.ayto-nava.es	non
Noreña	8/2007, de 31 de xineru	www.aytonorena.es	non
Parres	112/2009, de 2 de setiembre	www.ayto-parres.es	non
Pezós	30/2007, de 29 de marzu	www.pesoz.es	non
Piloña	66/2008, de 16 de xunetu	www.ayto-pilona.es	non
Ponga	4/2011, de 2 de febreru	www.ponga.es	non
Proaza	49/2008, de 19 de xunu	www.proaza.es	non
Quirós	124/2010, de 15 de setiembre	www.quiros.es	non
Ribadeva	27/2007, de 22 de marzu	www.ribadedeva.es	non
Ribeseya	46/2010, de 18 de mayu	www.ayto-ribadesella.es	non
Riosa	13/2008, de 5 de febreru	www.ayuntamientoriosa.es	non
Samartín d'Ozcos	123/2010, de 15 de setiembre	www.sanmartindeoscos.es	non
Samartín del Rei Aurelio	3/2008, de 23 de xineru	www.smra.eu	sí
Santalla d'Ozcos	121/2010, de 15 de setiembre	www.santaeulaliadeoscos.es	non
Sariegu	116/2005, de 17 de payares	www.sariego.org	non
Siero	104/2009, de 29 de xunetu	www.ayto-siero.es	non
Sobrescobiu	10/2009, de 4 de febreru	www.ayto-sobrescobio.es	non
Taramundi	120/2010, de 15 de setiembre	www.taramundi.es	non
Teberga	47/2010, de 18 de mayu	www.aytoteverga.org	non
Vilanova d'Ozcos	122/2010, de 15 de setiembre	www.villanuevadeoscos.es	non
Villaviciosa	115/2005, de 17 de payares	www.villaviciosa.es	non
Xixón	105/2006, de 20 de setiembre	www.gijon.es	non
Tameza	21/2009, de 25 de marzu	www.yernesytameza.es	non