El temporal dexó daños importantes en delles poblaciones de la costa

Un mes depués, un temporal nuevu azotó la costa asturiana. Según espliquen dende Fomentu, los estrozos foron importantes, anque non como na vegada anterior. Cuideiru, El Porto, Tapia y Lluanco, les poblaciones más afeutaes.

El llunes, que coincidía col Llunes d’Antroxu –en Xixón llegó a suspendese’l desfile–, foi’l día nel que la mar amosó mayor violencia. En Cuideiru marchó con 30 metros más de dique, mentes que n’El Porto frayó parte del paséu, que tenía la estructura dañada del temporal anterior. Cerca, en Tapia, A Xungueria, campu del equipu llocal de Tercera División, tornó a indundase, al igual que les cais de Lluanco. Numberosos negociosos resultaron afeutaos nestos cuatro núcleos urbanos.

La fuercia de la mar na xornada del llunes y d’ayeri tamién causó estrozos en numberosos puertos del país y dexó imáxenes espectaculares en ciudaes costeres, como Xixón o Ribeseya. Belén Fernández, conseyera de Fomentu, señaló que los daños del temporal foron menores que na ocasión anterior. Los equipos téunicos de les diferentes conseyeríes tán anguaño inspeccionando y cuantificando los daños.