El Conceyu d’Ayer homenaxó a Jesús Fernández, gaiteru ganador del Troféu McCrimmon n'An Oriant

L’alcalde d’Ayer, David Moreno Bobela, recibió'l vienres na Casa Conceyu a Jesús Fernández, gaiteru que llevó’l Troféu McCrimmon d’esti añu nel Festival Interceltique de Lorient. El músicu mozu, residente n’Uviéu, ye natural d’El Casar.

D’esta forma, el Conceyu d’Ayer quixo homenaxar a Fernández por algamar ún de los premios más sonadía a los que pueden aspirar los gaiteros asturianos y gallegos. Nel concursu, que se celebra dende’l 1986 n’An Oriant dientro de les actividaes del Intercélticu, los participantes han d’interpretar temes asturianos, gallegos y bretones énte un xuráu, que decide al ganador. Esti añu, nel que’l certame taba dedicáu a Asturies, Fernández finó con una racha de dos trunfos gallegos consecutivos.

Moreno destacó l’arguyu que supón tener a un ayerán ente los meyores gaiteros del país y entregó un obsequiu a Fernández, de 21 años y intérprete d’esti insturmentu dende los 7, que tuvo acompañáu pola so familia nel actu.