El 74 por cientu de los llectores d’Asturies.com cree acertada la propuesta del Festival Arcu Atlánticu

El Festival Arcu Atlánticu, iniciativa del Conceyu de Xixón que vivió la so segunda edición, ye pa los usuarios d'Asturies.com una apuesta “mui acertada y positiva”. El 74 por cientu votó por esta opción nel nuesu ‘Conceyu Abiertu'.

Tres esti segundu añu del certame, nel que s’iguaron munchos de los errores que se percibieron na primer edición, los llectores d’Asturies.com amosaron na encuesta’l so apoyu a un festival atacáu de continuu pol so PSOE llocal. Namái un 11 por cientu votó pola opción “nun val pa nada, namái por gastar perres”, mentes qu’un 15 por cientu prefirió nun dar una opinión a la nuesa entruga al non conocer de primer mano esti festival que pal añu va tener a Éire como convidáu.

Dende esti momentu, los nuesos usuarios yá pueden votar nun ‘Conceyu Abiertu' nuevu. Nesta ocasión queremos conocer la so opinión sobre’l conflictu abiertu ente l’Estáu Español y el Reinu Xuníu sobre Xibraltar dende que les autoridaes britániques decidiera llanzar más de mediu centenar de bloques de formigón a la mar, aición que, según apunten dende Madrid, perxudica a los pescadores andaluces.