Día del Llibru Asturianu

SUATEA diz que la ufierta de places de profesoráu pa Educación Primaria ye "raquítica"

|

El sindicatu SUATEA señaló que la ufierta d'empléu públicu pa especialidaes d'Educación Primaria ye "raquítica" y cree que "nun respuende nin a les espectatives xeneraes pola propia alministración nin a la situación d'accesu transitoriu que prevé la LOE". Amás criticó a Izquierda Unida por cuenta que "modificó la so postura incial d'apoyu a les reivindicaciones del profesoráu pa pasar a votar les tesis contraries".

Dende SUATEA consideren "raquítica" y "de les más baxes de toles Comunidaes" la ufierta d'empléu públicu pal 2009 na Educación Primaria, amás de calificar de "paripé" la negociación llevada a cabo pola Conseyería d'Educación, que consistió "en dar una cifra más baxa en primera instancia pa elevala llixeramente tres el primer conceyu y dar asina la impresión de que negocien". Tamién denunció qu'Asturies "seguirá siendo la última CCAA onde'l profesoráu conoza la ufierta d'empléu públicu".

Asimesmo dende Suatea espresaron l'agradecimientu al diputáu d'IX-LV-BA, Francisco Javier García Valledor, por "nun participar na votación que'l pasáu vienres se celebró na Xunta Xeneral", una votación por mor d'una moción del PP na que se pidía la retirada del plan d'evaluación de los docentes y la convocatoria de la mesa sectorial. Según conseñen "la coherencia del diputáu García Valledor contrasta nesti panorama cola postura en materia d'educación del grupu IX-BA-LV, que n'otros ámbitos nun duda en caltener postures contraries de les tesis del gobiernu".

En total hai ufiertaes 405 places pa maestros d'Educación Infantil y Primaria.

Contador Estadistiques