Conferencia sobre la situación del lleonés y presentación de llibros y discos d’autores lleoneses

Presentación de la obra de teatru ‘Sentir, y nun sentir sentire’, de Fran Allegre, que tamién va dar a conocer nesta xornada’l so discu d’añaes tradicionales de Lleón, ‘Nel briezu’, y del llibru ‘Mitoloxía popular del Reinu de Ḷḷión’, de Nicolás Bartolomé Pérez, que cuenta con ilustraciones d’Alberto Álvarez Peña. La xornada va completase cola charra ‘La situación del llionés dientro del dominiu llingüísticu ástur’, a cargu del propiu Bartolomé, presidente de l’Asociación Cultural Faceira, na que va analizar dellos aspeutos del idioma nel país vecín, como la proteición llegal, el contestu sociollingüísticu o la producción cultural, ente otros asuntos.

A les 19.30 hores nel llocal social del Atenéu Obreru de Xixón (cai Cuadonga númberu 7, primeru izquieda).

Entrada llibre.

Entama Ástura en collaboración col Atenéu Obreru de Xixón.