IAS y Izquierda Anticapitalista entamen unes xornaes sobre’l derechu a decidir de los pueblos

‘Crisis, anticapitalismu y derechu a decidir de los pueblos’ ye’l nome del ciclu de charres qu’entamen Izquierda Asturiana (IAS) y Izquierda Anticapitalista nel Atenéu Obreru de Xixón. Ésti va principiar esti martes y va allargase hasta’l vienres.

La presentación del llibru ‘Los nacionalismos, el Estado español y la izquierda’, del militante d’Izquierda Anticapitalista Jaime Pastor, va inaugurar les xornaes esta tarde, pa mañana continuar cola charra-alderique ‘Independencia y anticapitalismu. La esperiencia de les CUP’, a cargu de Anna Gabriel, miembru del Consell Polític de les Candidatures d’Unitat Popular (CUP). El xueves va ser el turnu d’Onintza Enbeita, diputada d’Amaiur, que va falar de ‘La izquierda abertzale nel nuevu panorama políticu’, pa zarrar el ciclu’l vienres Faustino Zapico, d’IAS, con ‘Decidir n’Asturies: Dende cuándo y pa qué’.

Toles charres van celebrase a les 19.30 hores nos llocales del Atenéu Obreru de Xixón, asitiaos na cai Cuadonga númberu 7, primeru izquierda. La entrada p’asistir a les intervenciones ye llibre.