Día del Llibru Asturianu

Dos cases desagospiaes en L.lena por mor de les obres de la variante de Payares

|

Dos cases desagospiáronse por peligru d'esbarrumbe na aldea de Ronzón (L.lena), según informó la plataforma "El Mesqueiru". El motivu, según espunxeron, ye'l movimientu de tierres provocáu pola escavación del túnel de la variante de Payares, que pasa unos 40 metros perbaxo. Les viviendes, apuntaron, sufren d'abondes resquiebres nes paredes, puertes y ventanes que nun abre, y suelos que se llevanten.

   Los vecinos recordaron qu'ADIF, responsable de la obra, avisó hai dos selmanes per escrito a les persones afeutaes de que teníen que desagospiar temporalmente dos cases por razones de seguridá: la casa solariega (El Palaciu de los Bernaldo de Quirós) y la casa asitiada enfrente de la panera (recién restaurada), siendo éstes propiedá de la Fundación Ronzón.

   ADIF aseguró la correcta restauración de les cases dempués de la finalización del túnel, pero sin indicar nenguna duración nin plazos", llamentaron los vecinos afeutaos.

   La metá de les 15 persones afeutaes fueron reagospiaes en cases d'alquiler en Felgueres, un pueblu vecín. Los vecinos afeutaos tán agrupaos nel colectivu Escanda, que solía realizar gran parte de les sos actividaes (de carácter educativu y sobre temes medioambientales y sociales) na Casona de Ronzón.

   Nesti momentu los miembros d'esti grupu tán moviendo tolos bienes (ferramientes y materiales d'oficina) que teníen almacenaos en dicha casa a unos barracones facilitaos por Adif pa que'l colectivu puea siguir, na midida de lo posibles, coles sos actividaes. Tamién ta afeutada l'Asociación 'Apilena' que se dedica a l'apicultura y tien que desagospiar el so taller nes instalaciones de La Casona de Ronzón.
 

Contador Estadistiques