Pidal Montes espubliza ‘Ensin bones referencies’, el so estrenu como escritor en llingua asturiana

El poemariu ‘Ensin bones referencies’ ye’l primer llibru qu’espubliza Xosé I. Pidal Montes en llingua asturiana. Na tarde d’esti xueves va presentar esti trabayu na FNAC acompañáu de Silvia Cosio, de Suburbia Ediciones.

Conocíu por ser miembru y cofundador de los coleutivos Versoadictos y Versos Libres, amás de por ser un habitual nes Timbes Poétikes que celebren autores mozos asturianos per toda Asturies, como Pablo X. Suárez y Rubén d’Areñes, Pidal atrévese agora a espublizar los sos poemes en llingua asturiana. “‘Ensin bones referencies’ ye un reflexu de veces íntimu, de veces realista, hasta la llende que reflexa ensin vendes el clima de trabayu duru, reivindicaciones y drogues de la cuenca minera na que creció l’autor”, apunten dende la editorial Suburbia.

El poeta nacíu en El Fadiellu (Bimenes) va tar presente esta tarde na tienda FNAC de Parque Principado (Siero) pa presentar a los sos siguidores esti trabayu. Va ser a les 19 hores y tres l'actu van vendese exemplares a un preciu de 12 euros.