Día del Llibru Asturianu

Sindicatos y partíos llamen a manifestase contra la crisis

|

Los sindicatos CSI, SUATEA y CGT, xunto a los partíos PCA, UNA, PCPE y Andecha Astur, amás d’otres organizaciones como FUSOA, convoquen a manifestase esti xueves 2 d’abril a les 19:30 hores na plaza L’Humedal de Xixón contra “la crisis del paru” baxo’l lema “a los banqueros, grandes empresarios y al so gobiernu hai que paralos saliendo a la cai”.

Los convocantes señalen que’l “númberu de paraos nel Estáu ye de 3,5 millones. El porcentaxe de paraos ye casique’l doble de la Unión Europea” mientres el presidente asturianu Álvarez Areces “decía qu’a Asturies diba afecta-y menos la crisis y en xineru Asturies asitió a la cabeza nel aumento del paru”.
 
Asimesmo conseñen que’l “gobiernu del PSOE, los gobiernos autónomos y los ayuntamientos engáñennos prometiendo crear empléu y mientres tan produciéndose pieslles d’empreses, miles de despidos, espedientes de regulación d’empléu, etc... ¿Por qué uno se corta primero la destrucción d’empléu?”.

Por ello, los convocantes afiten que “hai que caminar hacia una fuelga xeneral de tolos trabayadores y ciudadanos nel Estáu, n’Europa y a escala mundial pa plantar cara a la crisis del sistema capitalista que nos la quieren facer pagar a los ciudadanos y trabayadores”.

Contador Estadistiques