Xurde Álvarez asoleya'l poemariu "La caída"

L'escritor Xurde Álvarez ta acabante d'asoleyar'l so quintu trabayu lliterariu. Esti nuevu poemariu lleva por títulu "La caída", ta editáu por Trabe y en palabres del propiu autor ta "escritu a manera de diariu, 'La caída' ye un percorríu pela desesperanza y la soledá, pel silenciu doliosu de la nada; un poemariu descarnáu y duru como pocos."

Xurde Álvarez (Llangréu, 1973) tien publicaos los llibros "La sema" (Trabe, 1999), "No fondero de l'alcordanza de Dios" (Trabe, 2004), "Les llames del to llar antiguu" (ALLA, 2005) y "Tierra d'esperanza" (Trabe,2008).