Radio Sele va tresmitir en direuto’l Liet International de Xixón

Per quintu añu consecutivu, dende qu’Asturies entamó a tener presencia nel IX Liet International, Radio Sele va tresmitir en direutu’l festival  européu de llingües minorizaes. Ésti va principiar a les 21.15 hores del sábadu.

 

La cadena, única que fai la so emisión dafechu n’Asturianu, torna a apostar por esti certame que visita per primer vegada la Penísula Ibérica. Tres desplazase a Sápmi, Fryslân, Breizh y Friûl pa emitir el festival en direuto, Radio Sele nun podía faltar a la cita asturiana, que va tener como sede’l Teatru de la Llaboral y l’Asturiana Mining Company como representante asturianu con ‘Si nun conoces Vaḷḷouta’. Pa promocionar la retresmisión, los sos responsables espublizaron recién en Youtube un videu.

 

Otra manera, Radio Sele continúa cola campaña pa recaudar perres col oxetivu de poder continuar coles emisiones. Toles persones que quieran collaborar cola emisora pueden facer ingresos nel númberu de cuenta, a nome de l’Asociación Culturar Secha, 3059 0001 18 2366328629 (Caxa Rural).