Álvarez-Cascos afirma que l’aición de los gobiernos de Zapatero y Rajoy favorecen mayoríes nacionalistes

El líder de Foro de Ciudadanos y ex presidente del país, Francisco Álvarez-Cascos, mostróse críticu cola aición de los gobiernos de Zapatero y Rajoy. Afirma que favorecen mayoríes nacionalistes, en referencia a Euskadi y Catalunya.

Según señaló güei, al traviés d’una nota de prensa, tanto’l PSOE como’l PP tán "agravando’l conflictu políticu que más debilita la solidez d’España". Álvarez-Cascos apuntó que, "por desgracia pa los españoles", los dos partíos mayoritarios son anguaño la tercer y cuarta fuercia política n’Euskadi y Catalunya: "La satisfaición cola qu’unos y otros celebraron los resultaos de las eleiciones autonómiques vasques y catalanes pon n’evidencia la frivolidá y la degradación que sufren los hasta agora dos grandes partíos hexemónicos nacionales”.

Asina, l’ex presidente del país diz que quedase como balance de les eleiciones catalanes nel fracaso personal d’Artur Mas y inorar el datu de que CiU y ERC tienen mayoría absoluta con 71 de 135 escaños nel Parllamentu catalán ye frutu d’una "miopía irresponsable". Y lo rellaciona col fechu de que, hai namái un mes, PNV y Bildu sumaron n’Euskadi 48 de los 75 escaños del Parllamento vascu. Por último, Álvarez-Cascos resaltó la importancia qu’adquier anguaño’l mensaxe del so partíu, Foro de Ciudadanos, de 'Más Asturias, mejor España' como "referencia" pal camín que, entiende, hai qu’abrir na política española "pa frenar la escalada nacionalista y secesionista que la ceguera y l’egoísmu de Rajoy y d’Alfredo Pérez-Rubalcaba tán contribuyendo a fortalecer".