La Conseyería de Cultura da’l preste a la convocatoria de los sos premios lliterarios

La Conseyería de Cultura y Turismu ta acabante de dar el preste a los sos premios lliterarios en llingua asturiana. Nesta ocasión convóquense cinco categoríes: el “Máximo Fuertes Acevedo” pa ensayos, el “Xosefa Xovellanos” de novela, el “Xuan María Acebal” de poesía, y como novedaes respecto a la convocatoria del añu pasáu, el “María Josefa Canellada” de lliteratura infantil y xuvenil y l'"Alfonso Iglesias" de cómic.

Esti añu la Conseyería de Cultura convoca premios a la creación n’asturianu en cinco categoríes. Sicasi, nesta ocasión nun se convoca’l “Enriqueta González Rubín” de periodismu.

Les bases de les convocatories pueden consultase nesti enllaz del BOPA, anque nelles entá nun s’especifiquen nin la cuantía de cada premiu nin el plazu de presentación, qu’habrán de conseñase posteriormente en base no afitao nel Boletín.