Skanda presenta’l so primer videoclip

|

Son pocos los que nel folk asturianu tienen nel so currículum un videu musical. Skanda, el grupu de folk-rock de la cuenca'l Caudal, incropórase a esi llistáu cortu  con un videu del cantar "Ser Humanu", tema del últimu discu de la banda.
 
L'actu de presentación del videu va esti mesmu llunes día 30 nel salón d'actos de de la Casa de Cultura de Mieres. A les 12:45 hores proyectaráse esta producción dirixida por Rubén Pantiga, que contó cola ayuda tres de la cámara de Pablo A. Quiroga. El cantar al que se-y ponen imáxenes ye "Ser Humanu", incluyíu nel últimu trabayu discográficu de Skanda "Cuartu", que suma, como bien apunta'l nome, el númberu cuatro de la so carrera. La lletra del tema denuncia les actitues y males acciones de los seres humanos, reflexándolo too pallabres del guitarra de la banda Pepe Fueyo.
 
D'esta manera, Skanda métese nel esclusivu club de los grupos asturianos de folk que tienen videu musical. Grupos como La Bandina, Felpeyu, La Col.la Propinde Tejedor o Llan de Cubel ya fixeron pasar los sos temes pela pantalla, faciendose esta práctica dalgo más habitual d'un tiempu a esta parte. La importancia que tien el mundu audiovidual na promoción d'un grupu, arriendes de les posibilidaes de distribución qu'ufierta medios comon internet, faen que cada vez seyan más los grupos que s'aminen a que daquién ponga imáxenes a la so música.

Contador Estadistiques