Bacotexo presenta'l videoclip del cantar 'Campos de meiz'

El grupu de rock en gallego-asturiano Bacotexo ta acabante de presentar el videoclip del cantar ‘Campos de meiz’, perteneciente al so segundu álbum ‘Homes invisibles’. La productora Señor Paraguas encargóse de la realización.

 

El videu, grabáu nun campu de maíz, ta protagonizáu polos trés miembros de la banda del occidente del país, Ricardo Saavedra (baxu y coros), Daniel García (batería y voces) y Marcos Nogueiro (guitarra y voces), y trés neños que faen d’ellos: Marcos González, Bruno Sol y Sergio Cotarelo, de manera respeutiva. El cantar escoyíu pa facer un videoclip de los conformen el segundu trabayu discográficu de Bacotexo ye ‘Campos de meiz’, finalista de la edición del 2011 del Premiu al Meyor Cantar.

 

Tres l’estrenu d’esti videoclip, la banda va siguir coles sos actuaciones en direuto. La próxima confirmada pol grupu eonaviegu va tener llugar el 15 d’avientu nel Auditorio As Quintas d’A Caridá.