Un 39 por cientu de los llectores d’Asturies.com cree que l’Estáu ha de tener en cuenta l'ésitu de la Diada

La macha de Barcelona na Diada, cola participación de más d’un millón de persones, avera a Catalunya a la so independencia, según un 39 por ciento de los nuesos usuarios. Cree que l’Estáu ha de tener xestos col país mediterraneu.

Mentes, un 26 por cientu de los llectores d’Asturies.com considera que la marcha pacífica de la Diada Nacional de Catalunya nun va permitir avances democráticos nel procesu independentista catalán yá que “España enxamás va aceptar la dixebra d’una parte del Estáu”. Otra manera, ye significativu’l porcentaxe de xente que dixo nun tar interesáu nesti asuntu porque “yá tenemos bastante colo nueso’: un 32 por cientu. Por último, un 3 por cientu optó pola opción ‘Nun sé’ nel nuesu ‘Conceyu Abiertu’.

Dende esti mesmu momentu, los usuarios d’esti portal de noticies n’asturianu yá pueden participar nun ‘Conceyu Abiertu’ nuevu. Nesta ocasión queremos conocer si los nuesos llectores tán d’alcuerdu coles fuelgues na sanidá asturiana convocaes pa esti ochobre pol sindicatu médicu, per un lláu, y polos sindicatos sanitarios, pel otru.