Constitúise la Xunta Local de Compromisu por Asturies nel Nalón

El miércoles constituyóse la Xunta Local de Compromisu por Asturies nel Nalón. Manuel Benayas ye’l voceru de la formación nesta zona, mentes que Raquel González Revuelta ocupa’l cargu de responsable d’Organización.
 
Esta Xunta Local axunta a les persones afiliaes y simpatizantes de la formación nacionalista de creación nueva –impulsada pol Bloque por Asturies y Unidá Nacionalista Asturiana (UNA) xunto con independientes– de los conceyos de Llangréu, Samartín del Rei Aurelio, Llaviana, Rusecu y Casu. Una de les primeres decisiones que tomó esti muérganu tres la so constitución foi amosar la so solidaridá, al traviés d’un comunicáu, coles lluches y actos de protesta distintos que ta viviendo Asturies por cuenta de los recortes impulsaos pol Gobiernu estatal.
 

“Facemos un llamamientu a les persones que formen parte de la nuesa organización, y a la población en xeneral, pa que secunden les distintes actuaciones de protesta convocaes nel nuesu valle”, rellata Benayas.