Huergo: “Nun voi escaecer l’ambiente positivu y enérxicu d’un momentu de construcción como’l que vivimos”

El 23 de xunu nació Compromisu por Asturies, iniciativa nueva impulsada pol Bloque por Asturies y la UNA, xunto con independientes, p’axuntar al asturianismu. Yolanda González Huergo (Xixón, 1971) ye la vocera d’esta federación de partíos.

 

 

Eso va depender de lo que faigamos muncha xente d'equí en delantre. El sábadu zarrábemos el prólogu de lo qu’ha ser un procesu llargu y fondu de renovación y confluencia del asturianismu y nacionalismu y paeznos que lo fiximos cuidando muncho la horizontalidá y la participación de toles persones que quixeron tar con nós dende l’entamu, poniendo a preba la nuesa capacidá de trabayu.

 

 

Compromisu por Asturies ye una federación política que, si se me permite, ye daqué atípica. Atípica porque, anque dos organizaciones polítiques fueren les promotores, toles persones –independientes o militantes de Bloque o UNA– cuenten lo mesmo, ensin cuotes nin privilexos: un votu por persona. Y atípica tamién porque ye una federación que nun busca’l blindaxe de los partíos que la entamaron, sinón que prevé’l crecimientu de la mesma por afiliación individual o por adhesión d’otres formaciones polítiques.

 

 

Mui importante, porque dieron fuelgu y xacíu a la propuesta que se fixera dende UNA y Bloque, y porque cada vegada tienen más pesu na organización qu’acabemos de presentar. El so papel el sábadu 23, xunto cola militancia de les dos organizaciones, foi determinante. Determinante nel diseñu d’esta organización nel que toes y toos tuvimos esautamente’l mesmu poder de decisión.

 

 

Agora tócanos consolidar les sinerxes surdíes del censu y el debate. Internamente ello ye dir constituyendo los conceyos, fixar los procedimientos y dir encendiendo, en fin, tolos interruptores d’esti nuevu proyeutu. De calter esternu ye la responsabilidá de tar na cai, ser constantes nel trabayu y llograr proyeutar una alternativa útil y prestosa a la sociedá asturiana.

 

 

Les coordenaes polítiques van siendo yá mui conocíes. En trés exes: tamos na izquierda de les polítiques sociales y económiques; na consecución de la soberanía nacional d’Asturies; y de les formes de producción y vida ecolóxicamente sostenibles. Pero si dalgo tenemos claro ye que nós nun somos una opción qu’asume etiquetes ensin más. Tenemos una óptica propia, ensin sucursalismos nin subrogaciones, y d’ella surde’l nuesu discursu qu’hemos dir faciendo reconocible por ser el más cercanu a la xente y al país que formamos.

 

 

Independientemente de que s’usara como marca eleutoral en convocatories anteriores, Compromisu por Asturies aportaba al Conceyu del sábadu con otres 23 propuestes de nome. Ente les finalistes habíales bien nueves y rompedores, pero’l censu votó y Compromisu acabó siendo la escoyida depués d’un procesu de propuestes y argumentaciones mui estudiáu y participativu.

 

 

La militancia d'IAS entró nuna división interna pola mor de diferencies na estratexa política a siguir y de los tiempos necesarios pa poner en marcha otru procesu unitariu, y ello tuvo como consecuencia un alcuerdu internu pol qu’IAS salía del procesu como organización y munchos de los y les militantes, más a menos la metá de la organización, sí nos incorporábemos a Compromisu nesti momentu, lóxicamente dexando IAS. Esti alcuerdu desenvolvióse per calces democráticos y amistosos. Compromisu naz de la y cola xente que quier tar agora, nesti primer pasu. Nun podemos escaecer que tamos acabantes d’entamar el camín.

 

 

Nun se xulgó. Ye una decisión de la que s'informó a la xente d'UNA que nun yera d'IAS, y asumióse ensin más. La política ta fecha d’alcuerdos y desalcuerdos. Lo importante ye la bona xestión que se faiga d’unos y d’otros.

 

 

Hemos decatanos que venimos d’una fase del procesu na que namás tenía xacíu la participación individual al traviés del censu. Lo que sí nos consta ye qu’ente quien güei tán en Compromisu hai persones con trayeutories polítiques variaes pero, ta quedando claro, converxentes.

 

 

El Conceyu Fundacional foi, como-y dicía, el primer puntu siguíu d’esti procesu. A él llegábemos con munches hores d’estudiu y debate previu, como un escolináu aplicáu que fixera los deberes a lo llargo de munches selmanes. Gracies a ello, pémeque hebo un equilibriu ente’l sentíu prácticu de la xente y los debates necesarios y trescendentales. Personalmente, puedo dici-y que me prestó participar nuna xornada como ésta. Nun va ser fácil escaecer l’ambiente positivu y enérxicu d’un momentu de construcción como’l que vivimos el 23 de xunu.

 

 

L’agradecimientu a la Executiva por enfotase en min y, como imaxinará, una responsabilidá grande, más entá por tratase d’una organización nueva na que conflúin recorríos políticos estremaos con un norte únicu qu’acabemos de fixar. Pa ello, pongo tola mio ilusión y un contratu moral de cercanía y trabayu con tola xente de Compromisu.

 

 

Como prevén los estatutos que refrendemos el sábadu, la Xunta Nacional ye un muérganu ampliu nel que tán la Executiva y la llista de miembros natos –dambes escoyíes el sábadu–, y xunto a elles, los y les representantes de los conceyos, de la mocedá y los cargos eleutos. Xente ensin esperiencia anterior y xente que lleva trabayando años n'organizaciones polítiques y sociales pero too con muncha gana de trabayar. Poro, falamos necesariamente d’un perfil variáu y ampliu, plenamente representativu de lo que ye Compromisu.

 

 

En cuantes queden activaos los protocolos d’actuación, los conceyos van escoyer los sos representantes na Xunta Nacional y tomarán posesión de les ferramientes y los procedimientos que se precisen pa entamar a facer política municipal. En Compromisu l’apueste pola cercanía y el trabayu auténticu na cai ye decidíu y esperamos qu’en breve empiecen a vese muestres d’ello.