Ana Fueyo Llaneza, nueva Directora Xeneral de Política Llingüística

El Conseyu de Gobiernu ta acabante d’alcordar el nomamientu d’Ana Fueyo Llaneza (Les Bories-Llangréu, 1951) como nueva Directora Xeneral de Política Llingüística del Principáu d’Asturies.

Ana Fueyo ye profesora especializada en Ciencies Sociales y posee una llarga trayectoria como investigadora y docente de llingua asturiana. Tien el títulu de capacitación pa la enseñanza d’asturianu, amás de cursos d’Antropoloxía y Cultura Asturiana. Desde 1982 ye profesora nel colexu públicu de Cabueñes, en Xixón, onde reside.