Un escape de fuel provoca una marea prieto frente a la costa de Carreño

Asturies activó esti martes per primer vegada Plan Territorial de Continxencia por Contaminación Marítima Accidental por un escape de fuel que provocó una marea prieto frente a la costa de Carreño. L’orixe tuvo na térmica d’HC n’Aboño.
 
El fuel estendióse a lo llargo de la mariña del conceyu de Carreño y obligó a colocar la bandera colorada en toles playes del conceyu. Al paecer, el galipote vien de la rotura d'una tubería y el so escape posterior a agües marines a primer hora de la mañana. La fuga controlóse alredor de les 9 y, darréu, l’Ayuntamientu recibió l'avisu de la presencia de manches de fuel cercanes a dellos puntos de la mariña.
 
El serviciu d'Emerxencies 112 informó de que'l conseyeru de Presidencia, Guillermo Martínez, procedió a activar a les 11.16 hores d'esti martes el Plan Territorial de Continxencia per Contaminación Marítima Accidental n'Asturies (Placampa) en Situacion 0 per primer ocasión, que pasó a ser de nivel 1 a les 13.20 hores. Trátase d'una situación de vixilancia y siguimientu sobre la evolución del vertíu p'activar les midíes necesaries nel casu de que les playes del conceyu tuvieren afeutaes. Pa siguir la so evolución constituyóse'l Centru de Coordinación Operativa (Cecop) nes instalaciones de Llamorgal onde, amás del conseyeru de Presidencia y el direutor xeneral de Xusticia y Interior, Jose Luis Villaverde, participaron, ente otros, los xerentes del 112-Asturies y de Bomberos d'Asturies, César Álvarez y Antonio del Corro, de forma respeutiva, y responsables de les árees de coordinación, Proteición Civil y intervención de dambes entidaes.
 
Martínez confirmó a los medios que l’escape de fuel foi “importante”, anque nun supo dar la cantidá total de galipote vertíu a la mar –podríen ser diez tonelaes–. El conseyeru señaló que 40 operarios tuvieron dedicaos a la limpieza de la costa y que s’instalaron dos barreres de proteición para evitar la llegada de fuel: una na entrada del puertu de Candás y otra en el frente de la playa Palmera. Mentes, l’alcalde de Carreño, Ángel Riego, anunció que mañana, na Comisión del Personal del Ayuntamientu, va dase cuenta de la información y van debatise midíes posibles a tomar por parte del Consistoriu frente a Hidrocantábrico (HC).
 
El segundu vertiu nuna selmana
 
La Coordinadora Ecoloxista d’Asturies pidió una investigación por parte del Gobiernu pol vertíu de güei, el segundu na térmica d’Aboño en menos d’una selmana, según aseguren dende’l coleutivu. Pide sanciones pa la empresa y que se-y esixa l’adopción de midíes afayadices pa evitar vertíos nuevos a la ría “Ye preciso que se tomen toles midíes posibles pa minimizar l’impautu fuerte que va tener na fauna y flora marina esti episodiu contaminante”, añaden los ecoloxistes.