Castro recueye en Navia’l XXI Premiu Xeira de Narracióis Curtias

La carpa instalada nel Parque Ramón de Campoamor pola mor de la Feria del Llibro de Navia va acoyer esti sábadu l’actu d’entrega del XXI Premiu Xeira de Narracióis Curtias. El naviegu Alberto Castro Guión ye’l ganador d’esta edición.
 
L’actu va principiar a les 20 hores y nél, amás de Castro, va participar l’alcalde de Navia, Ignacio García Palacios, y el direutor de Política Llingüística, Alfredo Ignacio Álvarez Menéndez. El presidente de l’Asociación Cultural Xeira, Xabiel G. Menéndez, va dar el so discursu tradicional y Miguel Rodríguez Monteavaro va poner el toque musical al eventu.
 
Profesor de gallego-asturiano nes escueles Ramón de Campoamor de Navia, CRA Tapia-Castripol y Valdepares, Castro (Navia, 1983) consiguió col relatu entituláu ‘Inverno’ llevase’l primer premiu del concursu lliterariu, el más veteranu de los que se faen en gallego asturianu, con una recompensa de 600 euros. El Premio Xeira nació nel añu 1991 col oxetivu de revitalizar una llingua con munchu usu oral, pero con una ausencia importante d’obres escrites. Agora, 21 años depués, l’Asociación Cultural Xeira ve los frutos del so trabayu con una resudirmientu de la creación lliteraria nel occidente del país.