Presentación de 'Poemes del últimu salvaxe', de Daniel García Granda

Primer poemariu n'asturianu del autor polesu, con Nacho Vegas como prologuista: "La vida ta siempre amestada a una tierra, una tierra que para nós ye'l mundu enteru, pero solamente dende esa tierra podemos partir pa ver el restu del mundu. Ensin tierra nun hai puntu de partida. Dende ellí García Granda regálanos una colección de plegaries, onde va dando cuenta de la ilusión y del crime d´ilusión, de lo que nos ye dáu y de lo que nos ye arrebatáu. El salvaxe, igual qu'un personaxe d'una novela de Steinbeck, reza-y a un dios desconocíu, esi amestu estraño de realidá y tierra. Ye un prestar atopar a Daniel García Granda reivindicándose como últimu salvaxe nestos poemes; ye ún d’esos raros placeres importantes y emocionantes" (parte del prólogu fechu pol músicu xixonés).
 
A les 20 hores na sala de cámara del Auditoriu de La Pola Siero.