El 19 por cientu del presupuestu de Fomentu pa carreteres va pa pagar les deudes por espropiaciones

Fomentu destina’l 19 por cientu del presupuestu de carreteres pa pagar unos 600 millones d’euros de los 715,70 que debe por espropiaciones. Del pufu que tien n’Asturies dende primeros de sieglu va abonar un total de 48,25 millones.
 
“Llegó'l momentu de pagalo. De nada val construyir más quilómetros de carreteres y ferrocarril si nun pagamos a miles de ciudadanos estes espropiaciones que se fixeron hasta enantes del 2002", aseguró la ministra Ana Pastor na rueda prensa de presentación del presupuestu del Ministeriu de Fomentu pal 2012. "Ye un trabayu inxente, pero vamos ponemos a ello'l mesmu día que'l Congresu apruebe'l mes de xunu próximu los presupuestos", añadió.
 
La ministra indicó que Fomentu tamién "va asumir" nel 2012 el pagu de los 250 millones d'euros que debe por obres executaes nel 2011 y que tovía tán pendientes d'abonar. Amás, tamién va encarar les liquidaciones d'obres que yá tán en serviciu, una partida que va llevar otros 250 millones d'euros.