La Tertulia Pachín de Melás va aldericar sobre "¿Qué facer cola prostitución?"

La Tertulia Cultural “Pachín de Melás” entama un alderique col títulu de “¿Qué facer cola prostitución? Encruciyaes y propuestes” nel que van participar Ana Luisa Ordóñez, autora del llibru "Feminismu y Prostitución. Fundamentos del debate actual en España", y Marisa Cuesta, portavoz de la estaya d'igualdá d'Unidá Nacionalista Asturiana. L’actu va tar presentáu por Yolanda G. Huergo.

L’actu va desarrollase esti xueves 12 de marzu na cervecería Astuera de Xixón, na cai Joaquín Fdez. Acebal, 2 (detrás del Centru San Agustín), a partir de les 8.30 de la tarde y l’asistencia ye llibre. Esti ye’l tercer alderique qu’entama la Tertulia Cultural Pachín de Melás, yá que previamente organizó “¿La Zalia contra Asturies?” y "Normalización de la llingua asturiana".