La Oficina de Coordinación Llingüística del Parque Histórico del Navia yá tien un espaciu web

La promoción del gallego-asturianu recibe un emburrión más gracies a la xuba a la rede del espaciu web de la Oficina de Coordinación Cultural y Llingüística del Parque Histórico del Navia. Ésta ofrece dellos servicios na llingua de la zona.
 
Asina, les persones interesaes pueden atopar “apartaos nos que s’ofrece información sobre el Oficina Cultural y Llingüística da Fundación Parque Histórico del Navia y os distintos servicios que presta ás administracióis públicas, entidades, asociacióis y particulares”. Too en gallego-asturiano: descripción del serviciu y les sos funciones, noticies alredor de la Oficina, un buscador d’asociaciones por conceyos, les espublizaciones entamaes pola entidá, los decretos toponímicos de la zona, exemplos concretos de normalización del gallego-asturianu y enllaces web a otros coleutivos que puxen pola llingua del occidente del país, ente otres munches coses.
 
La Oficina de Coordinación Cultural y Llingüística del Parque Histórico del Navia nació nel 2008 y asiste a los conceyos de Bual, Cuaña, Eilao, El Franco, Grandas de Salime, Navia, Pezós, Tapia y Villayón. Agora yá dispón d’un espaciu na web pa ufrir un serviciu nuevu a toles persones interesaes nel idioma y tar un poco más cerca de la ciudadanía del llugar. L’entamu d’esta web foi posible gracies a una subvención de la Conseyería de Cultura y Deporte pa la normalización del gallego-asturianu dirixíes a entidaes ensin ánimu d’arriquecimientu.