Presentase’l llibru “La Poesía Lírica Asturiana”, reedición d’una obra de 1923

Esti xueves 12 de marzu va presentase’l llibru “La Poesía Lírica Asturiana” nel Atenéu Obreru de Xixón, na cai Covadonga, 7-1º Izda. L’actu va conducilu Vicente García Oliva y va contar cola presencia del críticu teatral Boni Ortíz y de la filóloga Balbina Meana, que collaboró nesta edición.

Esta obra ye una reedición de la editada nel añu 1923 por cuenta de la “Fiesta de la Poesía Asturiana”, que fuere una iniciativa de la sucursal del Atenéu Obreru del barriu d’El Llano y que se celebró con gran éxitu nel Teatru Xovellanos. Esti volume, según l’Atenéu, “tien amás de los valores llíricos, desiguales, qu’ufren los poetes incluyíos, el de ser documentu escepcional, pues recueye la mirada globalizadora d’una institución cultural obrera sobre la poesía escrita entonces n’Asturies, nunos años nos que nun yera frecuente facelo”.