Un 41 por cientu de los usuarios d’Asturies.com consideren que Foro Asturias Ciudadano (FAC) va caltener el Gobiernu y va salir reforzáu nes eleiciones nacionales anticipaes. Un 20 por cientu apuesta pol trunfu del PSOE y un 11, pol del PP.
 
La segunda opción más votada nel nuesu ‘Conceyu Abiertu’ ye la que marcaba que “el repartu d’escaños va ser asemeyáu al del 22 de mayu”, con un 22 por cientu d’apoyu, mentes qu’un 20 por cientu apuesta por que’l PSOE va ganar les eleiciones, lo que llevaría a un cambiu de gobiernu, seguramente en coalición con Izquierda Xunida, que nesta ocasión participa en solitariu tres nun llegar a alcuerdos con Equo, marca na que ta integrada anguaño Los Verdes d’Asturies. Por contra, namái un 11 por cientu confía nuna victoria del PP y un 7 por cientu que se dea un resultáu diferente a los propuestos na encuesta.
 
Dende esti mesmu momentu, los nuesos llectores yá pueden votar nun ‘Conceyu Abiertu’ nuevu. Nesta ocasión queremos conocer qué opinen los usuarios d’Asturies.com sobre’l recorte nuevu qu’aplica la Conseyería de Cultura y Deporte a l’Academia de la Llingua Asturiana.