'Hamlet'34', de Tabasko Teatro

L’aición de 'Hamlet', de William Shakespeare, treslládase nesta adaptación a l’Asturies revolucionaria d’ochobre del 34 pa contanos la historia d’un llabrador traicionáu y asesináu pol hermanu, y la posterior venganza del so fíu. Una nueche, Hamlet recibe la visita del espectru de so pá afalándolu a vengar la so muerte. D’esta forma se-y da empiezu a un enfrentamientu enllenu engaños y trucos que va rematar na tráxica muerte de familiares y amigos de Hamlet. La entrada n’Asturies del exércitu republicanu, qu’acude a sofocar la revolución, pondrá fin a la traxedia ya impondrá la cordura nun llugar onde dalgo güel podre…
 
Esta obra en castellanu de Tabasko Teatro, la primera de la compañía nacida nel 2011 como proyeutu de la clase de segundu de Producción d’Audiovisuales, Radio y Espectáculos del CIFP CISLAN, tien música en direutu a cargu de la Banda Gaites Xiranda, dirixida por Guillermo Pérez Iglesias y Diego C. Carmiña, qu’interpreta composiciones propies y adaptaciones de temes tradicionales firmaos polos direutores de la banda y por Miguel A. Fernández: 'Marcha d’Antón', 'Marcha d’Antía', 'Ayeri vite na fonte', 'Fartúkate' y 'Hamlet solu'.
 
A les 20.15 hores, nel Teatru Nuevu de La Felguera.
 
Entrada: 5 euros.